KEYDMEDIA ONLINE DIB U HABEYN BAA KU SOCOTA
Al-Shabaab ayaa lagu soo waramayaa inay weerar ku qaaday magaaladda, si ay u carqaladeyso doorashadda Gollaha Shacabka ee socotay.
BARAAWE, Soomaaliya - Tiro hoobiyeyaal ah ayaa ku dhacay saacado kahor magaaladda Baraawe, ee gobolka Shabeellaha Hoose, halkaasoo saakay ka billaabatay doorashadda BFS.
Goobjooge ayaa KON u sheegay in qiyaastii lix hoobiye ay ku dhaceen nawaaxiga iyo gudaha xarunta Madaxtooyadda xili lagu guda jiray doorashadda kuraas kamida Gollaha Shacabka.
Ugu yaraan hal ruux oo shacab ah ayaa ku dhintay, qaar kalena way ku dhaawacmeen madaafiicda, oo qalqal amni ku abuurtay shacabka magaaladda, oo horey nabad ugu noolaa.
Al-Shabaab ayaa ku wareegsan Baraawe, iyadoo la dareemayay dhaqdhaqaaq ay wado Kooxda oo doonaysa inay kahor tagto in doorasho lagu qabto xarunteedii hore ee dhaqaalaha.
Amniga maagaladdan xeebta ku taalla ayaa ahaa mid aad u xun, iyadoo dadka degan aysan u furnayn wax wado ah, waxaana meesha kaliya ay isticmaalaan ay tahay dhanka Badda.
Sidee sano kahor ayaa Al-Shabaab laga saarey Baraawe, oo AMISOM tagtay, balse ma ahan meel uu illaa hadda maamulka Koonfur Galbeed ku shaqeyn karo amni la'aanta darteed.
KEYDMEDIA ONLINE
Add comment
Comments
There are no comments for this entry yet.