Erdogan oo drones ka iibinaya madax uu ku jiro Farmaajo

Dhawaan waxaa Muqdisho soo gaarey qeyb kamid ah diyaarado drones ah, oo Turkiga ugu tala-galay in Farmaajo ku dagaal-gallo, maadaama uu kursiga diidey inuu ka dego.

Warar Keydmedia Online
18 December 2021

MUQDISHO, Soomaaliya - Waxaa shalay ka furmay Istanbul shir weyne u dhaxeeya Turkiga iyo Africa kaasoo lagu casuumey madax gaareysa ku dhawaad 40 oo Farmaajo kamid yahay.

Kulanka oo ah kii 3aad oo Turkiga la yeelanayo hogaamiyeyaasha Africa, ayaa sanadkan ka duwan kuwii hore, iyadoo lagu iibinayo hub, diyaaradaha drones-ka iyo qalab militeri.

Hogaamiyaal iyo wasiiro ka socota 39 dal, oo ku jiraan 13 madaxweyne ayaa xaqiijiyay damacooda drobes-ka Turkiga, iyadoo Erdogan u sheegay in hubka qiimo raqiis ah ku siinayo.

Turkiga ayaa horay saldhig Ciidan uga sameysatay Soomaaliya 2017, waxaana la sheegay in Morocco iyo Tunisia ay markii ugu horreysay bishii September geeyay diyaaradaha drones.

Dhawaan waxaa magaaladda Muqdisho soo gaarey qeyb kamid ah diyaarado drones ah, oo Turkiga ugu tala-galay in Farmaajo ku dagaal-gallo, maadaama uu kursiga diidey inuu ka dego.

Drones-ka noocaTB2 Bayraktar ayaa ah mid baahi weyn loo qabo ka dib markii waxtarkooda lagu arkay colaadaha Liibiya iyo gobolka Nagorno-Karabakh dhowrkii sano ee la soo dhaafay.

Diyaaradaha ayaa waxaa sameeyay shirkada gaarka loo leeyahay ee Baykar, waxaana maamula mid kamid ah wiilasha uu sodoga u yahay Erdogan. Soomaaliya ayaana hadda la keenay.

KEYDMEDIA ONLINE