Xasan Sheekh, Deni & Xubnaha mucaaradka oo kulmay

Kulankaan ayaa ahaa mid looga wada hadlay xaaladda siyaasadeed ee dalka gaar ahaan arrimaha doorashooyinka oo ay haatan isku fahmi la'yihiin qaar ka tirsan madaxda maamulada iyo Mucaaradka. 

Warar Keydmedia Online
2 September 2020

MUQDISHO, Soomaaliya - Madaxweynihii hore ee Soomaaliya Xasan Sheekh Maxamuud ayaa hoyga uu magaalada Muqdisho ka deganyahay ku soo dhaweeyay madaxweynaha maamulka Puntland Siciid Cabdullaahi oo Muqdisho maalinimadii shalay aheyd booqasho ku soo gaaray. 

Soo dhoweyn kadib waxaa kulan gaar ah wada qaatay madaxweynihii hore ee Soomaaliya Xassan Sheekh Maxamuud, madaxweynaha Puntland Saciid Cabdullaahi Deni,  Guddoomiyaha xisbiga Horu-socod Qaran Shariif Xassan Sheekh Aaden, guddoomiyaha xisbiga Himilo Qaran Xidlhibaan Suleyman Mohamud Hashi, hogaamiyaha xisbiga Wadajir Cbdirahman Cabdishakur Warsame, guddoomiyaha xisbiga Kulan Mohamed Abdirahman Siiriin iyo masuuliyiin kale oo Madasha Xisbiyada Qaran ka tirsan.

Kulankaan ayaa ahaa mid looga wada hadlay xaaladda siyaasadeed ee dalka gaar ahaan arrimaha doorashooyinka oo ay haatan isku fahmi la'yihiin qaar ka tirsan madaxda maamulada iyo Mucaaradka. 

Sidoo kale kulankaan ay yeesheen Jilib culusta Mucaaradka ayuusan ka soo muuqan madaxweynaha maamulka Jubbaland Axmed Maxamed Islaam 'Axmad Madoobe ' isna shalay soo gaaray Muqdisho. 

KEYDMEDIA ONLINE