KEYDMEDIA ONLINE DIB U HABEYN BAA KU SOCOTA
Hotel-kan oo dhawaan la furay ayaa waxaa iska leh Xildhibaan katirsan Gollaha Shacabka oo lagu magacaabo C/llaahi Axmed Nuur, kaasoo horey usoo noqday Wasiiru dowlaha Wasaaradda Maaliyadda xiligii Xasan Sheekh.
MUQDISHO, Soomaaliya - Warar dheeraad ah ayaa kasoo baxaya qarax culus oo galabta ka dhacay Xeebta Liido ee magaalada Muqdisho, halkaasoo ay ku yaallaan goobo loo dalxiis tago iyo dhismooyin casri ah.
Qaraxa oo ka dhashay Gaari lagu soo xiray walxo qarxa, ayaa ka dhacay afaafka hore ee hotel-ka Elite oo xeebta ku yaalla, waxaana xigay rasaas xooggan oo la maqlayay mudo daqiiqado ah, taasoo aan la ogeyn cida ridayso.
Warar hordhac ah oo khasaaraha ku saabsan ayaa sheegaya in 10 qof dad gaaraya ay ku dhinteen, tiro kalena ay ku dhaawacmeen, kuwaasoo loola cararay Isbitaallada magaaladda Muqdisho.
Ciidanka dowladda ayaa goobta gaarey daqiiqado kadib qaraxa, waxaana la xiray hotel-ka oo albaabkiisa qaraxa ka dhacay, iyadoo uu socdo howgal lagu xaqiijinayo amniga.
Ma jirto illaa hadda cid sheegatay mas'uuliyadda qaraxa, balse waxaa loo maleynayaa Kooxda Al-Shabaab oo falalka noocan ah looga bartay inay ka fuliso dalka, gaar ahaan Muqdisho.
KEYDMEDIA ONLINE
Add comment
Comments
There are no comments for this entry yet.