Barakac xoog leh oo ka socda Boosaaso [Sawirro]

Magaaladda ayaa ka socota duqeymo xoog leh, oo lagu garaacayo xaafadaha tan iyo xalay, iyadoo dhowr hoobiye ay ku dhaceen guryo shacab degan yihiin.

Warar Keydmedia Online
23 December 2021

BOOSAASO, Soomaaliya - Boosaaso waxay marti-gelinaysaa dagaal sokeeye, oo u dhaxeeya Ciidamo kawada tirsan Maamulka Puntland, oo isku haya gacanta ku heynta hay'adda PSF.

Kumanaan qof ayaa tan iyo Talaadii ka cararay magaaladda, oo hadda wali uu ka socda dagaal qaraar, oo dhinacyada isku ridayaan hubka culus, oo hoobiyeyaal ay ku jiraan.

Dadkii ugu badnaa ayaa ka barakacay Boosaaso, iyadoo sawiro maanta laga soo qaadey wadooyinka ay muujinayaa qoysaska qax ah, oo gaadiid saaran, qaarna cagta maalaya.

Dagaalka ayaa xalay dib u billowday, iyadoo uu burburay heshiis xabad-joojin ah, oo shalay dhinacyada gaareen, waxaana fashilmay dadaaladii ay odayaasha wadeen ee joojinta colaadda.

Colaadda Boosaaso ayaa ka dhalatay xilka qaadis uu Deni 24-kii November ku sameeyay agaasimihii PSF Maxamuud Cismaan Diyaano, kaasoo diidey digreetada Madaxweynaha Puntland.

Reer Diyaano ayaa mudo maamulayay hay'adda PSF oo Mareykanka dhaqaale badan siiya, iyadoo kala shaqeysa dhanka la dagaalanka argagaxisadda Buuraleyda Galgala, ee G/Bari.

KEYDMEDIA ONLINE