KEYDMEDIA ONLINE DIB U HABEYN BAA KU SOCOTA
Xeerilaaliyaha ayaa sheegay in shaqadda uu uga tagay sababo asaga u gaar ah, islamarkaana waxaa uu ku wargaliyay Madaxda Sare, gaar ahaan Madaxweynaha Hirshabeelle.
Cabdullaahi Maxamed Gacal, oo ahaa xeer-ilaaliyaha Maamulka HirShabeelle ayaa ku dhawaaqay inuu iska-casilay xilka, kana tagey shaqada, sida ku xusan warqadda is-casilaaddiisa oo ku taariikhaysan 20-ka August 2020, taasoo maanta la faafiyay.
Wuxuu ku wargeliyay Is-casilaadiisa Madaxweyne Waare, kuxigeenkiisa Cali Guudlaawe iyo Wasiirka Cadaaladda, isagoo go'aankiisa uu xafiiska ku baneeyay ku sheegay inuu yahay arrimo isaga u gaar ah.
Mudooyinkii dambe waxaa soo ifbaxayay khilaaf siyaasadeed u dhaxeeyay Madaxda sare ee HirShabeelle, iyadoo dhawaan Xildhibaanno ay Mooshin kasoo gudbiyeen Gudoomiyaha Baarlamaanka, oo ay isku dhacsan yihiin ku xigeenkiisa.
KEYDMEDIA ONLINE
Add comment
Comments
There are no comments for this entry yet.