KEYDMEDIA ONLINE DIB U HABEYN BAA KU SOCOTA
Howlgalka ayaa yimid kadib markii Habeenkii Jimcaha Qarax lagula eegtay Ciidanka Puntland nawaaxiga Iskuulka Cumar Samatar ee Waqooyiga Gaalkacyo.
GAALKACYO, Soomaaliya - Dhowr qof oo la tuhmaya inay Al-Shabaab katirsan yihiin ayaa lagu qabtay Howlgal Ciidanka Puntland ka sameeyeen qeybta Waqooyi ee Gaalkacyo.
Lama sheegin tirada dadka la qabtay iyo magacyadooda, balse Saraakiisha booliska waxay shaaciyeen inay hayaan tobanaan dhalinyaro oo su'aallo lagu waydiinayo Xabsiga, si loo kala saaro argagaxisadda iyo kuwa aan dembiga lahayn.
Gaalkacyo oo kala qeybsiga Puntland iyo Galmudug waxay ahayd meel dagaallo ay ka dhacaan, waxaa ugu darsoomey qaraxyadda Al-Shabaab oo lagu dilay Mas'uulyiin sare oo uu kamid ahaa Gudoomihii Mudug iyo taliyeyaal Ciidanka DF kamid ahaa.
Bishii December Qarax Is-miidaamin ahaa oo ka dhacay afaafka Garoonka Kubadda ee Koonfurta magaaladda ku yaalla ayaa waxaa lagu dilay 6 Sarkaal oo hogaaminayay Ciidanka qeybta 21aad ee gobollada Dhexe.
Al-Shabaab oo dagaalka Koonfur ka socda looga adkaadey ayaa u wareegatay Galmudug iyo Puntland, oo ay kusoo qulqulayaan dagaalyahanadeeda, oo dhanka badda ka galaya.
KEYDMEDIA ONLINE
Add comment
Comments
There are no comments for this entry yet.