KEYDMEDIA ONLINE DIB U HABEYN BAA KU SOCOTA
Safiirka Shiinaha ayaa bishan horaanteeda tagey Hargeysa, isagoo kulan la yeeshay Madaxweyne Muuse Biixi, balse waxba iskama bedelin mowqifka Maamulka Somaliland ee dhinaca xiriirka Taiwan.
BEIJING, China - Shiinaha ayaa Talaadada maanta si adag uga horyimid nooc kasta oo xiriir ah, oo dhexmara Taiwan iyo Somaliland kadib markii labada Maamul ee aan heysan aqoonsiga Caalamiga is dhaafsadeen Wakiillo iyo Xafiisyo midba kan kale Caasimadiisa ka furtay.
"Shiinaha waa hal dal oo caalamka laga aqoonsan yahay, Taiwan waa qeyb kamid ah dhulkeeda," afhayeenka Wasaaradda Arrimaha Dibadda Shiinaha Zhao Lijian ayaa sidaas u sheegay Saxaafadda.
Wuxuu sheegay in Mabda'a hal China waa mid caalamka laga aqoonsan yahay, mana loola macaamili karo Taiwan dal ahaan.
Zhao ayaa carabka ku adkeeyay in Taiwan iyo Somaliland xiriirkooda marna sii socon doonin, maadaama ay yihiin labo gobolka oo wali helin aqoonsi caalami ah, islamarkaana go'doonsan.
KEYDMEDIA ONLINE
Add comment
Comments
There are no comments for this entry yet.