LAAB-LA-KAC MAYA: XASANOW HALA XISAABTAMO
Keydmedia Online ayaa waxay baaritaan ku sameysay sida uu Xafiiska RW Rooble u maareeyay turxaan-bixinta Gudiyadda doorashooyinka heer Federaal iyo Heer Gobolka. Inkastoo laga saaray dhalinyarro badan oo kamid ah taageerayaasha Farmaajo, hadana liiska waxaa ka muuqda 33 Magac oo hore ugu jiray.
MUQDISHO, Soomaaliya - Baaritaan ay Keydmedia Online sameysay ayee waxa ay ku ogaatay xubnaha mucaaradka gudbiyay ee aan wali laga saarin gudiyadda doorashooyinka heer Federaal iyo Heer Gobolka.
Inta uu socday baaritaankan, waxay KON heshay magacyada xubnaha kamidka ahaa liiskii dheeraa ee Musharixiinta Mucaaradka u gudbiyeen RW Rooble, ee ay ku dalbadeen inuu ka saaro Gudiyadda doorashooyinka.
Gudi heer wasiiro ah, oo Rooble u xilsaaray turxaan-bixinta ayaa ku guul-dareystay inuu ka saaro gudiyadda dhamaan 67-da xubin ee dooda ka taagan, kuwaasoo ay Mucaaradka ku eedeeyeen inay yihiin NISA, shaqaale dowladeed iyo taageeriyaasha Farmaajo.
Dadka laga saaray waxaa kamid ah C/nuur Maxamed Axmed, agaasimaha Madaxtooyadda Villa Somalia, Agaasimaha Waaxda Caafimaadka Dowladda Hoose ee Xamar Maxamed Caddow, Maxamed Xasan Cirro, oo gudoomiye u ahaa FEIT iyo Faadumo Cali, oo hadda laga dhigay ku-xigeenka xoghayaha Joogtada Xafiiska Ra'iisul Wasaaraha Soomaaliya.
Dhalinyarada sida muuqata waa shaqaale dowladeed oo xafiisyada madaxda sare ka shaqeeya, oo qaarkood xilal muhiim ah ka haya, waxaana liiska la saarey iyo kuwa ku jira kamid ah NISA iyo taageeriyaasha Farmaajo, kuwaasoo sababta gudiyadda loogu soo daray ay tahay inay codka ugu shubaan Farmaajo, balse qorshahaas fashilmay.
Kuwa aan wali laga saarin qaarkood magacyada ayaa loo bedelay, si aan loo soo celin, waxayna Keydmedia Online ogaatay in Musharixiinta lagu qanciyay in xubno kusoo darsadaan gudiyadda doorashooyinka, sidaasna lagu aamusiyay, iyadoo aan jirin Musharax kasoo horjeestay liiska cusub marka laga reebao Cabdishakur C Warsame.
Ma jirto hadda cid diidan hanaanka loo maray turxaan-bixinta gudiyadda, iyadoo xubnaha ku haray ee horey loo soo eedeeyay loo fasaxay inay shaqadooda wataan.
Xubnaha ugu badan waxay kasoo galeen Galmudug, Koonfur Galbeed, Somaliland iyo Beelaha Banaadiriga.
Xubnaha mucaaradka gudbiyay ee aan laga saarin gudiyadda iyo kuwa ku haray:
Doorashadda sanadkan aad bay uga duwan tahay kuwii hore, waxaa hanaanka xumeeyay Farmaajo oo u dhigay sida dantiisa ku jirta, oo kusoo bixi karo maadaama uu yahay Musharax raba mar labaad inuu dalka ku hogaamiyo wado qarda-jeex ah, oo ku dhamaanaysa kaligii-talisnimo iyo xukun-marooqsi.
KON ayaa diiradda saartey musuq-maasuqa qaab dhismeedka guddiyadda doorashooyinka iyo qorshaha Farmaajo ee boobka iyo ku-shubadda doorashadda soo socota, oo musharaxiinta walaac ka muujiyeen.
Madaxweynaha waqtigiisa dhamaaday ayaa wuxuu dhaawacay kalsoonida shacabka iyo xisbiyadda siyaasadeed, kadib markii uu afduubay hanaanka doorasho ee dalka, waxayna dad badan aamisan yihiin in kaligii-talis cusub yimid.
KEYDMEDIA ONLINE
Add comment
Comments