KEYDMEDIA ONLINE DIB U HABEYN BAA KU SOCOTA
Dilka dadka rayidka ah ayaa yimid kadib markii qarax lala eegtay Kolonyo gaadiid ah oo ay wateen Ciidanka Midowga Africa xili ay marayeen Warshadii hore ee Xeyla Bariise, oo ku taalla degmada Heliwaa.
MUQDISHO, Soomaaliya - Askar u dhalatay dalka Burundi, oo qeyb ka ah howlgalka Midowga Africa ee AMISOM ayaa dad shacab ah ku dilay magaaladda Muqdisho, kadib markii gaadiid ay wateen qarax lagula eegtay degmada Heliwaa Maanta oo sabti ah.
Goobjooge la hadlay KON ayaa sheegay in Booyad biyo u waday Ciidamada AMISOM uu qaraxa miino burburiyay, iyadoo sidoo kale waxyeello soo gaartay baabuurta gaashaaman, waxaana goobta ku dhintay hal askari.
Ciidamo gurmad ah oo dhinac Balcad ka yimid ayaa rasaas ku furay dadkii shacabka ahaa ee ka agdhawaa goobta qaraxa, waxayna sababtay dhimashadda todobo qof, oo carruur iyo haween ay ku jiraan, sida dadka degaanka ay sheegeen.
Rasaasta ayaa sidoo kala dhaawac gaarsiiyay ugu yaraan 7 qof oo kale, kuwaasoo la dhigay Isbitaal, waxaana markii dambe halka ay wax ka dhaceen gaarey Ciidamada dowladda oo xaaladda caadi kusoo celiyay, kadib markii ay kala eryayeen dad ka caraysan falka dilka ah oo banaanbax ka dhigayay Suuqa Xoolaha.
Inta badan marka AMISOM la weeraro waxay ku furaan shacabka rasaast aargoosi ah, oo horseeda dhimasho iyo dhaawac, mana jirto cid kula xisaabtanta askarta ajnabiga ah dhibaatooyinka ay dalka ka geysanayaan, oo kufsi, dil iyo xad-gudubyo kala kamid yihiin.
KEYDMEDIA ONLINE
Add comment
Comments
There are no comments for this entry yet.