KEYDMEDIA ONLINE DIB U HABEYN BAA KU SOCOTA
Tan iyo 2012 markii Malleeshiyaadkii Raas Kambooni ee uu watay Axmed Madoobe, oo kaashanayay Ciidamada Kenya ay la wareegeen magaaladda, waxaa la dilay dad badan oo qaab qabiil lagu khaarijiyay.
KISMAAYO, Soomaaliya - Dhakhtar Caan ahaa ayaa xalay lagu dilay magaaladda Kismaayo, ee xarunta gobolka Jubbada Hoose oo mudooyinkii dambe ay kusoo kordheen dilalka qorsheysan ee lagu beegsanayo Aqoonyahanada, Ganacsatada iyo Odayaasha Dhaqanka.
Dabley bastoolado ku hubeysan ayaa xalay ku dilay Xaafadda Via Afmadow Dr Yuusuf Axmed oo loo yaqaaney [Yuusuf Yare] xilli uu kusoo jeeday gurigiisa, sida qof goobjooge ahaa u sheegay Keydmedia Online.
Wararka qaar ayaa sheegaya in Dhakhtarka loogu galay goobtiisa shaqada, kadibna lagu dilay.
Waa dilkii labaad oo tan iyo September 2020 Kismaayo loogu geystay qof muhiim ah, oo dadka iyo degaanka waxtar u lahaa, waxaana dilalkan dadka qaar ku tilmaameen inay yihiin kuwa siyaasadeysan oo maamulka Axmed Madoobe ku lug leeyahay.
Ku dhawaad saddex bilood kahor, waxaa lagu dilay qarax ismiidaamina ahaa Maalin Jimco ah salaadii qudbada kadib Shaafi Raabi Kaahin waa madaxa Rugta ganacsiga Jubbaland, oo Axmed Madoobe qaraabo dhaw ahaayeen.
Odayaal badan iyo Aqoonyahanno degaanka u dhashay ayaa lagu tabayaa Axmed Madoobe, oo markii uu xoogga ku qabsaday magaaladda billaabey inuu iska horleexiyo qofkasta oo aan ku qanacsanayn Maamulkiisa.
KEYDMEDIA ONLINE
Add comment
Comments
There are no comments for this entry yet.