KEYDMEDIA ONLINE DIB U HABEYN BAA KU SOCOTA
Musharixiinta Mucaaradka ayaa sheegay in iibinta shidaalka Soomaaliya ay dhaawacayso jiilka hadda jooga iyo midka mustaqbalka.
MUQDISHO, Soomaaliya - Qoraal Maanta ay soo saareen Midowga Musharixiinta ayaa lagu sheegay in Farmaajo uu boob ku hayo hantida qaranka, gaar ahaan khayraadka dalka isagoo suuq madow ku iibinaya shidaalka ku jira xeebaha.
"Gollaha Musharixinta wuxuu Farmaajo ugu baaqayaa inuu ka waantoobo ku tagri-falka iyo musuq-maasuqa hantida qaranka, islamarkaana uu si deg deg ah u joojiyo ruqsad-bixinta baarista shidaalka," ayaa lagu yiri War-Saxaafadeedka.
Keydmedia Online ayaa labo maalin kahor soo qortay warbixin Exclusive ah, oo ku saabsan in dalka Turkiga uu ku sugan yahay Wasiirka Batroolka C/rashiid, oo u jooga Istanbul inuu ku saxiixay heshiisyo shirkado ajnabi ah lagu siinayo ruqsado ay shidaal uga baarayaan badweynta Hindiya.
Musharaxiinta waxay shirkadaha galaya heshiiska looga digay inay lacagtooda ku bixiyaan saxiixyo aan hadhow shaqeyn doonin, oo hadda si sharci darro ah loogu sameynayo, waxayna ugu baaqeen inay sumcadooda ilaashadaan.
Bixinta Ruqsadaha Shidaalka ayaa lagu soo beegay xili lagu guda jiro waqti doorasho, oo Farmaajo uu yahay Musharax doonaya inuu mar labaad kursiga ku guuleysto, waxaana laga cabsi qabaa in lacagta shidaalka u isticmaallo dib u doorashadiisa.
KEYDMEDIA ONLINE
Add comment
Comments
There are no comments for this entry yet.