KEYDMEDIA ONLINE DIB U HABEYN BAA KU SOCOTA
Dadka degaanka ayaa sheegaya inay maqlayeen rasaas iyo qaraxyo xili uu socday dagaal toos ah oo labada dhianc u dhaxeeya, kaasoo geystay khasaarooyin isagu jira dhimasho iyo dhaawac.
KISMAAYO, Soomaaliya - Al-Shabaab ayaa saakay weerar culus ku qaadey Saldhig ay degan yihiin Ciidamo uu tababaray Mareykanka oo ku yaalla degaanka Baar-Sanguuni, oo 50-KM dhanka waqooyiga uga beegan Kismaayo.
Weerarka ayaa ku billowday qarax gaari oo saldhigga iridiisa ka dhacay, iyadoo kadib ay gudaha u galeen dagaalyahano katirsan Kooxda Al-Shabaab, oo halkaasi mudo ku dhawaad hal saac kula dagaalamay Ciidamada Dowladda Soomaaliya iyo kuwa Jubaland.
Al-Shabaab ayaa dib looga saarey xerada kadib markii Mareykanka uu diyaarado kusoo weeraray, oo dhanka cirka ka duqeeyay, sida ay Keydmedia Online u sheegeen qaar kamid ah dadka ku nool degaanka Baar-Sanguuni.
Xaaladda ayaa degan hadda, waxaana saldhiga ku sugan Ciidankii horey u joogay oo la sheegay inay dhaawacyada iyo meydadka goobta ay ka qaadeen, loona daabulay magaaladda Kismaayo, ee xarunta KMG Jubaland.
Bishii June 2018, askari u dhashay Mareykanka ayaa lagu dilay 4 kalena waa lagu dhaawacay weerar Al-Shabaab kuq aadey saldhiga oo xiligaasi la dhisay, si looga abaabulo howlgallada ka dhanka ah argagaxisadda.
Baar-Sanguuni waxay kamid yahay meelaha laga difaaco Kismaayo oo tan iyo 2012 ku jirtay gacanta Axmed Madoobe oo ay taageerayaan Ciidanka dowladda Kenya, oo qeybka ah howlgalka Midowga Africa ee AMISOM.
KEYDMEDIA ONLINE
Add comment
Comments
There are no comments for this entry yet.