KEYDMEDIA ONLINE DIB U HABEYN BAA KU SOCOTA
Cabdiraxmaan Cabdishakuur ayaa ugu baaqey Ra'iisul Wasaaraha inuusan fulin dalabka Farmaajo, oo uu ku tilmaamay qar iska xoornimo iyo is-miidaamin siyaasadeed.
MUQDISHO, Soomaaliya - Hogaamiyaha Xisbiga Mucaaradka Wadajir Cabdiraxmaan Cabdishakuur Warsame ayaa kashifay xog xasaasi ah oo ku saabsan in Farmaajo uu ku cadaadinayo Ra'iisul Wasaare Rooble inuu Jubbaland u aqoonsado gobolka uu cadow heysto.
"Waxaan Xog-sugan ku helaynaa in MW Farmaajo uu ku cadaadinayo RW Rooble in uu Jubbaland u aqoonsado deegan cadow heysto, doorashana lagu qaban karin ilaa iyo inta laga xorreeynayo. Haddii uu sidaas yeelo waa qar iska tuurnimo iyo daldalaad siyaasadeed, waxaana ugu baaqayaa RW Rooble in uusan taladaas yeelin," ayuu yiri CC Shakuur.
Waxuu Musharaxa sidoo kale sheegay in Farmaajo uu go'aankan ka eegayo dantiisa gaarka ah, ee ku aadan doorashadda oo uu doonayo inuu kursiga kusoo laabto mar kale. Villa Somalia ayaa qorsheysay inay qabato doorashadda Garbahaarey ee Xildhibaanada, iyadoo u diiday inuu maamulo Axmed Madoobe.
Meelaha uu ku tashanayo Farmaajo inuu ka helo Xildhibaanno u codeeya Febuary 8, 2021 waxaa kamid ah Galmudug, HirShabeelle, Koonfur Galbeed iyo magaaladda Garbahaarey, oo beeshiisu degto, waxaana la diiday damaciisa aan u adeegaynin danta dalka iyo dadka.
Siyaaadda dibadda iyo tan gudaha midna Farmaajo kuma guuleysan inuu salka u dhigo mudadii 4ta sano ee uu xafiiska joogay, iyadoo hadda uu qori dab ah ku tuurey Kenya oo horey xiisadda kala dhaxasay Soomaaliya ahayd mid heerkii ugu hooseysay maraysa.
Mucaaradka wuxuu sheegay in Farmaajo uu arinta Kenya u adeegsanayo olole doorasho, waxayna ugu baaqeen inuu joojiyo dagaalka dibadda, ee uu ka shaqeeyo gudaha sida in Jubbaland Ciidanka DF kasoo saaro, lana bedelo gudiyadda doorashadda aan sharciga ahayn.
KEYDMEDIA ONLINE
Add comment
Comments
There are no comments for this entry yet.