KEYDMEDIA ONLINE DIB U HABEYN BAA KU SOCOTA
Ra'iisul Wasaaraha ayaa la filayaa in maalmaha soo aadan ku dhawaaqo Gollihiisa Wasiiradda Cusub, iyadoo la hadal-hayo inay soo laaban doonaan qaar kamid ah Xukuumadii Khayre.
MUQDISHO, Soomaaliya - Waxaa socda qorsho uu Farmaajo ku doonayo in Wasiiradda ay saaxiibadda yihiin in lagu soo daro Xukuumadda uu soo dhisayo Ra'iisul Wasaare Maxamed Xuseen Rooble, sida Illo Xog-ogaal ah u sheegeen Keymedia Online.
Wasiiradda uu wato Farmaajo ee la filayo inuu Rooble kusoo daro liiska, waxaa kamid ah Maxamed Cabdi Xayir Maareeye, oo hadda haya xilka Wasiirka Warfaafinta, Khadiijo Maxamed Diiriye, Wasiirka Ciyaaraha iyo Dhalinyaradda, Jamaal Maxamed, Wasiirka Qorsheynta, Xasan Xuseen Jaamac, Wasiir Cadaaladda iyo Wasiirka Dastuurka Saalax Axmed Jaamac.
Waxuu Farmaajo ku doortay Wasiiraddan inay isaga daacad u yihiin, oo ay si indha la'aan ah u taageerayeen saddexdii sano iyo barkii tagey, waxaana qeyb ka ahaayeen shirqoolkii lagu riday RW Xasan Cali Khayre bishii July, maadaama Xildhibaanada yihiin, islamarkaanka u codeeyeen Mooshinka.
Rooble oo ah nin ku cusub siyaasadda ayaa ku jahwareersan cida uu soo celin lahaa iyo qofka oo eryi lahaa, maadaama xafiiskiisa uusan u madax-banaanayn inuu soo xusho Wasiiradda, isagoo faragelin kala kulmaya xafiiska Madaxweynaha, oo laga maamulo.
Loolan xoog leh ayaa socda oo loogu jiro Xukuumadda cusub, oo wasiir kasta oo hadda jooga uu ku dedaalayo inuu soo laabto, si ay ula dhameystaan waqtiga RW Rooble oo u haysta 4 bil.
KEYDMEDIA ONLINE
Add comment
Comments
There are no comments for this entry yet.