KEYDMEDIA ONLINE DIB U HABEYN BAA KU SOCOTA
Maxamuud Sayid Aadan, oo ah Madaxweyne ku xigeenka Jubbaland ayaa sheegay in inta Farmaajo uu ka saaro Ciidanka DF gobolka Gedo aysan diyaar u ahayn inay ka qeybgalaan doorasho.
KISMAAYO, Soomaaliya - Jubbaland ayaa markale ku celisay diidmadeeda ku aadan ka qeybgalka doorashooyinka soo socda, oo ay dhaliilsan yihiin qaabka uu Farmaajo u xulay xubnaha gudiyadda, oo NISA iyo Shaqaalaha DF lagu soo daray.
Madaxweyne ku-xigeenka Jubbaland Maxamuud Sayid Aadan ayaa sheegay in qaabka uu wax u wado Farmaajo, oo ah nidaam aan kuwada qanacsanayn saamileyda siyaasadda dalka, oo si cad uga soo horjeestay hanaanka doorashadda Villa Somalia dejisay.
Shuruudaha Jubbaland ayaa ah in Ciidanka DF laga soo saaro Gedo, laguna weareejiyo maamulkii horey uga jiray iyo in la saxo qaladaadka ka jira dhismaha gudiyadda doorashooyinka iyo xalinta khilaafaadka.
Waxuu ku baaqey in Cabdi Xaashi, gudoomiyaha aqalka sare loo ogolaado inuu soo dhiso gudiga doorashadda Xildhibaanada gobollada waqooyi [Somaliland], oo Farmaajo afduubey si uu usoo saaro Xildhibaano isaga u codeeya.
Farmaajo ayaa doonaya inuu qabto doorasho isaga ku guuleysan kara, ma doonayo tartan xalaal ah oo loo dhan yahay, islamarkaana ay qabanayaan gudiyo dhex-dhexaad ah oo dhinacyada isla soo xuleen.
Fahad Yaasiin ayaa wacad ku maray inuu soo celin doono Farmaajo, isagoo diyaariyay hanaan isaga uu maamulayo, wuxuuna qortay liiska Xildhibaanada ee ka imaana doono Galmudug, Hirshabeelle, Koonfur Galbeed iyo gobolka Banaadir.
Axmed Madoobe ayaa sheegay in doorasho aan ku dhici karin qaabkan afduubka ah ee uu wado Farmaajo, isagoo ka digay dhibaato ka dhacda dalka hadii aan la fulin heshiiskii 17-kii September lagu gaarey Muqdisho.
KEYDMEDIA ONLINE
Add comment
Comments
There are no comments for this entry yet.