KEYDMEDIA ONLINE DIB U HABEYN BAA KU SOCOTA
Ugu yaraan 5 ruux oo uu ku jiro abaan duulihii qeybta 60-aad ee ciidanka Xoogga dalka Maxamed Isxaaq Aadan ayaa ku geeriyooday dagaalkii shalay ka dhacay Deynuunaay, waxaana sidoo kale ku dhaawacmay tiro intaa ka badan, walow aan khasaaraha dhinaca Al-Shabaab laheynin.
MUQDISHO, Soomaaliya - Madaxweynaha maamulka Koonfur Galbeed Cabdicasis Maxamed Xasan Laftagareen ayaa ka tacsiyadeeyay askartii iyo saraakiishii ku geeriyootay dagaalkii shalay ka dhacay deegaanka Daynuunay ee gobolka Baay.
Madaxweynaha ayaa si gaar ah tacsi ugu diray shacabka iyo eheladii ay ka baxeen, isagoo sheegay in Ciidamada ahaayeen naftood hurayaal u istaagay bad-baadinta dhiigga ummadda Soomaaliyeed, kuna baaqay in meel looga soo wada jeesto dagaalka Al-Shabaab.
"Innaa Lilaahi wa innaa ilayhi raajicuun. Alle ha u naxariisto dhammaan Saraakiishii iyo Ciidamadii ku shahiiday dagaalkii dhacay deegaanka Deynuunaay, Saraakiisha iyo Ciidamada geeriyooday waxa ay ahaayeen naftood hurayaal maalin iyo habeen u taagnaa difaaca dadkooda iyo dalkooda," ayuu yiri laftagareen.
Al-Shabaab ayaa shalay aroortii hore weerar culus oo dhowr jiho ah ku qaaday saldhig ay ciidamada dowladda iyo kuwa Koonfur Galbeed ku leeyihiin deegaanka Deynuunaay oo 26-KM dhinaca waqooyi kaga beegan magaalada Baydhabo ee xarunta gobolka Baay.
Dagaalka oo ahaa mid xooggan ayay Al-Shabaab saacado kooban kula wareegeen gacan ku heynta saldhiga, iyagoo saanad Milateri iyo hub ciidan ka qaatay saldhiga kahor inta aysan Ciidamada dowladda gurmad soo gaarin sida ay xaqiijiyeen goob joogayaal ah oo aagga ku sugan.
Ugu yaraan 5 ruux oo ku jiro abaan duulihii qeybta 60-aad ee Ciidanka Xoogga dalka Maxamed Isxaaq Aadan ayaa ku geeriyooday dagaalkii ka dhacay Deynuunaay, waxaana sidoo kale ku dhaawacmay tiro intaa ka badan, walow aan khasaaraha dhinaca Al-Shabaab lahaayeen.
KEYDMEDIA ONLINE
Add comment
Comments
There are no comments for this entry yet.