RW Rooble oo qarka u saaran fashil

Afar maalmood ayaa ka dhiman maalintii la magacaabey, waxay hal bil u buuxsamaysaa sabtida soo socoto, waxaana wali jrin wax golle wasiiro oo uu magacaabey bishii loo qabtay.

Warar Keydmedia Online
13 October 2020

MUQDISHO, Soomaaliya - Ra'iisul Wasaare Maxamed Xuseen Rooble oo mudada xil-heyntiisu yartahay ayaa u muuqda inuu soo wajahay fashil kadib markii mudo bil gudahooda kusoo magacaabi waayay Gollaha Wasiiradda.

Waxaa jiray baaqyo loo jeediyay Rooble markii uu xilka la wareegay, oo ahayd inuusan waqtiga ku lumin soo xulista Wasiirro cusub, islamarkaana uu soo celiyo kuwii hore si loo qabto shaqooyinka horyaalla, oo ay kamid yahay doorashadda, oo dhacaysa December 2020.

Illo lagu kasoon yahay oo ku dhaw Xafiiska Ra'iisul Wasaaraha ayaa u sheegay Keydmedia Online in Rooble uu ku jahwareersan yahay amarada uga imaanaya Xafiiska Madaxweyne Farmaajo iyo Fahad Yaasiin, ee ku saabsan shaqsiyaadka uu soo magacaabayo.

Wararka ayaa sheegaya in faragelinta lagu hayo xafiiska Rooble, ay sababta u tahay daahinta magacaabista Wasiiradda, waxaana tani keeni kartaa inuu fashilmo heshiiskii doorashadda, oo dhigaya in Xildhibaanka ugu horeeya la doorto 1-da December.

Xaalad hubanti la'aan ah iyo faragelin xoog leh ayuu Rooble dhexda ka galay. Markii uu Khayre ka tagey, Farmaajo ayaa usoo magacaabey Xafiiska Ra'iisul Wasaaraha Wiil dhalinyaro ah oo beeshiisa kasoo jeeda, C/risaaq Xuseen Aadan, oo Rooble ku noqday laf-dhuun gashay.

KEYDMEDIA ONLINE