Dhacdooyinka Todobaadka ee Soomaaliya

22 August 2021: Maamulka Gobolka Banaadir oo la degay Musuq-maasuq baahsan ayaa ku fashilmay inuu bixiyo Mushahaarka iyo xuquuqda Shaqaalaha u shaqeeya, iyadoo dhaqaalaha soo galo loo adeegsado dano gaar ah. [Halkan kasii akhri].

Waxaa war-murtiyeed laga soo saarey Shir lagu qabtay Muqdisho, kaasoo lagu soo saarey habraaca cusub ee doorashadda Aqalka Hoose, iyadoo Madaxda Maamullada iyo Rooble ay wax ka bedeleen qaabkii lagu heshiiyay. [Halkan kasii akhri].

Ciidamada Badbaadada gobolka Hiiraan ayaa la wareegay magaaladda Beledweyne, kuwaasoo kasoo horjeeda Madaxweynaha HirShabelle Cali Guudlaawe. [Halkan kasii akhri].

23 August 2021: Midowga Musharixiinta ayaa aad uga soo horjeestay habraaca doorashadda Aqalka Hoose, ee ay ku heshiiyeen DF iyo Maamullada, iyagoo dalbaday in aan lagu xadgudbin heshiiskii doorashadda dadban. [Halkan kasii akhri].

Kadib go'aanka diidmada, Madaxda Maamullada iyo Rooble ayaa shir deg deg ah la yeeshay Musharixiinta, waxayna ku magacaabeen gudi kasoo tala-bixiyo qodobada khilaafka dhaliyay.

24 August 2021: Kooxda Al-Shabaab ayaa weerar culus ku qaadey degaanka Camaara oo kamid ah goobihii ugu dambeeyay ee ay la wareegeen Ciidamada DF iyo kuwa Galmudug Koonfurta Mudug. [Halkan kasii akhri].

25 August 2021: Banaanbax looga soo horjeeday Al-Shabaab, laguna taageerayay Ciidanka howlgalka kawado Mudug ayaa lagu qabtay Koonfurta magaaladda Gaalkacyo. [Halkan kasii akhr]. 

Nin Soomaali ah ayaa weerar ka fuliyay banaanka Safaaradda Faransiiska ee dalka Tanzania, isagoo isla goobta ay ku toogteen Ciidamada amaanka. [Halkan kasii akhri]. 

26 August 2021: Keydmedia ayaa ogaatey in Madaxweynaha waqtiga ka dhamaadey Farmaajo uu qorsheynayo inuu baajiyo safar Rooble iyo Madaxda maamullada ku aadayaan dalka Sacuudiga. [Halkan kasii akhri]. 

27 August 2021: Wiil dhalinyaro ah oo asal ahaan kasoo jeeda Soomaaliya ayaa xabsiga la dhigay magaaladda London, kadib markii uu dhacay lacag aad u badan. [Halkan kasii akhri].

28 August 2021: Madaxweynihii hore ee HirShabelle Maxamed Cabdi Waare ayaa tooshka ku ifiyay cida ka dambeysa colaadda ka hureysa gobolka Hiiraan. [Halkan kasii akhri].

Xog ay heshay Keydmedia ayaa sheegaysa in kulan qarsoodi ah oo dhexmaray Farmaajo iyo Qoor-Qoor oo ka dhacay Villa Somalia, ayaa kusoo dhamaadey fashil. [Halkan kasii akhri].

Hooyada dhashay Ikraan Tahliil ayaa markale hadashay, waxayna sheegtay in Fahad Yaasiin uu balanta uga baxay oo Farmaajo iyo Rooble ay taleefonka ka qaban waayeen. [Hakan kasii akhri].

29 August 2021: Sida ay sheegtay safaradda Soomaaliya dalka Ruushka, waxaa la soo badbaadiyay muhaajiniin Soomaali ah oo maalmihii la soo dhaafay ku dhibaateysanaa xadka dalalka Belarus iyo Lithuania. [Halkan kasii akhri].

KEYDMEDIA ONLINE