Dhacdooyinka Todobaadka ee Soomaaliya

4 October 2021: RW Rooble ayaa safarkii ugu horeeyay ku tagey Doha kadib markii uu ku casuumey amiirka Qatar Sheekh TamimBin Hamad Al-Thani oo siyaasadda Soomaaliya afartii sano ee Farmaajo aad saameyn ugu lahaa. [Halkan kasii akhri].

5 October 2021: Mid kamid ah Odayaasha ugu waaweyn ee dhaqanka Habargidir ayaa taageero u muujiyay Qoor-Qoor, isagoo kasoo horjeestay duulaanka Ahlu Sunna ay ku tahay degaanada laga hirgeliyay Maamulka Federaalka ah. [Halkan kasii akhri].

Labo Xildhibaan ayaa ku dhaawacmay qarax ka dhacay magaaladda Jowhar, ee Caasimadda HirShabeelle halkaasoo dhawaan ka dhacday doorashadda Aqalka Sare. [Halkan kasii akhri].

Musharax Xasan Cali Khayre ayaa ka hadlay arrimaha ka jira Galmudug, gaar ahaan colaadda, kiiska Ikraan Tahliil iyo Khilaafka siyaasadeed ee Farmaajo iyo Rooble. [Halkan kasii akhri].

6 October 2021: Abaar ayaa ku dhufatay qeybo kamid ah Jubbaland, iyadoo dadka ku nool iyo duunyada ay u dhimanayaan gaajo iyo haraad, iyadoo ay jirto biyo la'aan. [Halkan kasii akhri].

Al-Shabaab ayaa Meel fagaaro ah oo ku taalla degmada Jamaame ku toogatay labo qof oo Soomaali ah, iyadoo toogashadda ay kasoo qyebgaleen dadka degaanka. [Halkan kasii akhri].

7 October 2021: Siyaasiyiinta iyo Xildhibaanada kasoo jeeda gobollada Dhexe ayaa isku khilaafsan qaabka Galmudug u wajahayso ururka Ahlu Sunna. [Halkan kasii akhri].

Sarkaal sare oo horey uga tirsanaa NISA ayaa shaaciyay inay Fahad iyo Farmaajo diyaariyeen qorsho lagu dilayo shaqsiyaadka baaritaanka ku haya kiiska Ikraan Tahliil. [Halkan kasii akhri].

Wasiirkii Amniga Galmudug Axmed Maclin Fiqi ayaa iska casilay xilka kadib markii isaga iyo Qoor-Qoor isku khilaafka arinta Ahlu Sunna iyo sida Kooxda loo wajahayo. [Halkan kasii akhri].

8 October 2021: Kenya ayaa ku dhawaaqday inaysan aqoonsan doonin go'aanka Maxkamadda ICJ ee kiiska Badda kaasoo la filayo inuu soo baxo 12-ka bishan [Halkan kasii akhri].

9 October 2021: Keydmedia ayaa warbixin ka diyaarisay halja uu Qoor-Qoor u wado Galmudug. [Halkan kasii akhri].

10 October 2021: Gudiga doorashooyinka heer Federaalka ayaa RW Rooble la wadaagey caqabada hortaagan doorashadda Aqalka Hoose. [Halkan kasii akhri].

KEYDMEDIA ONLINE