Dhacdooyinka Todobaadka ee Soomaaliya

30 August 2021: Sida ay ogaatay Keydmedia Online, waxaa mushaar laa’aan in muddo ah soo socotay ka cabanaya shaqaalaha Hay’adda Nabad-sugidda iyo Sir-doonka Qaranka, waxaana saacadihii u danbeeyay bannaanka u soo baxay qeylo dhanaata howl-wadeennada hay’addan. [Halkan kasii akhri].

Ra’iisul Wasaare Rooble, ayaa ku amray Wasiirka Warfaafinta Cismaan Dubbe, inuu hakiyo ijaarka, (Kireynta) qayb ka mid ah dhulka Tiyaatarka, oo uu saxiixay inay 20-sano ku shaqeysato Shirkadda Xaawo Taako. [Halkan kasii akhri].

31 August 2021: Gollaha Ammaanka ee QM ayaa kulan ay isugu yimaadeen waxa ay muddo kordhin u sameeyeen Hawl-galka QM ee Taageeradda Soomaaliya [UNSOM], kaasoo aan waxba qaban intii uu jiray tan iyo 2013. [Halkan kasii akhri].

1 September 2021: Maamulka Galmudug ee uu hogaamiyo Madaxweynaha dibad-joogga ah ee Axmed Cabdi Kaariye Qoor-Qoor ayaa eedday, kana shaleynaya ku-hoos noolaanshaha Farmaajo iyo kooxdiisa, oo ku daneystay. [Halkan kasii akhri].

2 September 2021: Dagaal siyaasadeysan oo ku saleysan boobka hantida dowladda iyo dhulka danta guud ayaa ka dhex-qarxay xafiisyada Farmaajo iyo Rooble. [Halkan kasii akhri].

Waxaa Muqdisho ku dhintay xubin muhiim u ahayd kooxda loo xil-saarey kiiska Badda, oo weli Maxkamadda ICJ aysan go'aan kasoo saarey kadib markii ay dhageysatay bishii March 201. [Halkan kasii akhri].

NISA ayaa qoraal ay soo saartay ku sheegtay inay Al-Shabaab dishay Ikraan Tahliil, oo mudo labo bilood ka badan la waysanayaa, iyadoo warkan uu gilgiley quluubta waalidkeeda iyo shacabka Soomaaliyeed. [Halkan kasii akhri].

3 September 2021: Kooxda Al-Shabaab ayaa iska fogeysay dilka AUN Ikraan Tahliil Faarax, oo hay’adda Nabad-sugidda iyo Sirdoonka Qaranka ay xalay sheegtay in Ikraan ay ku baxday gacanta kooxda xiriirka la leh Al-Qaacida. [Halkan kasii akhri]. 

4 September 2021: Ra'iisul Wasaare Rooble ayaa mudo 48 saacadood ah u qabtay Fahad Yaasiin inuu ku keeno warnixin dhameystiran, oo ku aadan kiiska Ikraan Tahliil. [Halkan kasii akhri].

5 September 2021: Dib u dhac ayaa markale ku yimid jadwalka doorashooyinka dalka Soomaaliya, iyadoo ay u muuqato inuu xafiiska Rooble ku fashilamayo howsha doorashooyinka. [Halkan kasii akhri].

Taliyaha NISA Fahad Yaasiin oo ku eedeysan kiiska dilka Ikraan Tahliil ayaa ku galay aroos dalka Turkiga, isagoo guursadey Gabar uu waalid u yahay Sheekh Villa Somalia la shaqeeya. [Halkan kasii akhri xogta].

6 September 2021: Farmaajo ayaa kahor yimid xilka-qaadista Fahad Yaasiin uu ku sameeyay Ra'iisul Wasaare Rooble kadib markii uu kasoo jawaabi waayay dalabkii loo gudbiyay. [Halkan ka akhri]

KEYDMEDIA ONLINE